حبيت انزلكم طريقه الفطائر القطن مره حلـــــــوه جربتها وانتوا بعد جربوها وان شاء الله تعجبكم...
المقــــــــــادير:
نضع بخلاط الكاس المقادير التاليه :
فنجال قهوه حليب ناشف .. ( نيدو او اي شركه ثانيه )
فنجال قهوه سكر
فنجال شاي زيت
كاس ماء
ذرة ملح
ملعقه ونص خميره .. ( ملعقة الاكل )
نخلطها بالخلاط زين
بعدين نصبها في وعاء العجن ( قدر او اي وعاء تستخدميه )
ونضيف عليها كاسين وربع دقيق ( طحين ) اي نوع تفضليه
وابداي بعملية العجن
اعجنيها بكل قوه خلي الهواء يدخلها
لمدة 10 دقائق تقريبا
شيليها من فوق لتحت بالقدر واضربي فيها بقووووه
بتلاحظي انها تخمرت بيدك شي بسيط
بعدها غطيها زيين وحطيها بمكان دافي مدة ساعه الى ساعتين
ملاحظات مهمه لنجاح العجينه :
1- لازم يكون الدقيق والخميره بحرارة الغرفه يعني مايكونوا باردين ابدا
2- الماء المستخدم بالعجن يكون دافي لاحار ولابارد
3- اذا حسيتي العجينه لينه مره وانتي تعجني فيك تضيفي شوي دقيق ..
4- غطي العجينه ولفيها بفوطه ( منشفه ) واتركيها بمكان دافي ( دولاب او اي مكان اخر )
5- عند فرد العجينه لازم تنثري دقيق قبل على مكان الفرد وتحطي العجينه وتنثري فوقها ايضا دقيق وبعدها تبدي بالفرد
الحين اصبحت العجينه جاهزه معاك
سوي اللي تبين
بيتزا صغير
افردي العجينه وقطعيها بالكاس قطع متساويه
رصيها بالصينيه واتركيها شوي لين تنتفش
واضيفي عليها لمساتك زي ماتحبي
بالنسبه لي دهنتها كاتشاب
بعدين مفروم دجاج مستوي من قبل
بعدها فليفله وبصل وزيتون وجبن موزريلا
وحمريها
وهنا قرون الفلفل
فرغي الفلفل من حبوبه واحشيه اي حشوه تحبينها بعدين افردي العجينه وقطعيها خطوط طويله ولفيها على الفلفل زي الاقماع بالضبط
وهنا فطاير بالجبن
وهذي الفطاير المعتاده
احشيها باللي تحبين
وحمريها
وطبعا تتفرزر عادي وتفرشيها قبل بصينيه بعد ماتستوي وخليها 10 دقايق بالفريزر تبرد بعدين طلعيها وعلبيها
هنا بالعلبه وغطيها وعلى الفريزر
وبس تبيها طلعيها وعلى الميكرويف دقيقتين او طلعيها قبل ب6 ساعات وتطلع كانك توك مسووويتها
خلية النحل
بالجبن تتكور وتحطي الجبن وترصيها بالصينيه
وحمريها وصبي عليها القطر ( الشيره )
وبالهنــــــاء والشفـــــــاء...
الرئيسية
