لو هو على زينك بنلقى صبايا !! من أجمل ماقيل في الغزل

قطفت لكم رائعة لعل وعسى تشبع ذائقتكم وتنال اعجابكم

يا ظالمة زينك بشين السوايا
من وين لك قلبٍ على طول جاير

ما أبغى الدوا لا صار جرحك دوايا
باكر على الظالم تدور الدواير

اخر علاجي الكي و إنتي الكوايا
للحب عبره وإنتي قربك عباير

لو هو على زينك بنلقى صبايا
المشكلة في الحب تعمى البصاير

الصبح واضح والخطايا خطايا
والربح من بعض الأوادم خساير

يا نفس قومي عن غرام البقايا
ويا قلب قبل تحب شاور وخاير

أولاد ناس ولا نحب الوصايا
وكلٍ يرى نفسه يعادل عشاير

ما كل قلبٍ ينشرى بالهدايا
ولا كل كسر تفيد فيه الجباير

المعطي الله ما لخلقه عطايا
لو هي على خلقه سقتنا المراير

عزاي ربٍ يعطي حسب النوايا
يرحم عزيزين الذمم والضماير

ناسٍ تدس الهم بين الحنايا
وناسٍ وربي ما درت ويش صاير

هذاك حظه مثل بيض الثنايا
وهذاك حظه مثل سود الظفاير

هذه واحدة من روائع الشاعر (مساعد الشمراني)

» اجمل مائةبيت من شعر الغزل والغرام
» أجمل ما قيل عن المرأه
» من أجمل العبارات ..
» ما أجمل الحيــآة مع ( الله ) !
» أجمل أبيات قرأتها