قصة مضحكة ../ شوفوا وش اهدى الطالب لآستاذه

بسم الله الرحمن الرحيم

كان الطالب، يدرس ،في الصف الاول الابتدائي
وقد وشك العام الدراسي، على الانتهاء وسأل الطالب المعلم: بدرسنا يأستاذِ السنة الجايه
قال المعلم: لا لانكم بتطلعون سنه ثانيه
وبيدرسكم، معلم غيري
قال الطالب: ليه يأستاذ أنا وزملائي نحبك ومانبغى غيرك يدرسنا .........
(طبعا تعرفون حب الاطفال وإلحاحهم على الشي اللي يبونه )
المهم، جلس الطالب على كرسيه وهو زعلان
وجالس طوال اليوم لحاله ومالعب مع زملائه
رجع البيت وهو متضايق وزعلان عشان المدرس..
طرت على باله فكره هي انه يهدي المدرس هديه
بس مايدري وش يهديه راح لأبوه
وقاله يأبوي أنا ابغى أهدي المعلم اللي يدرسني هدية
وأبغاك توديني السوق أشتري له هديه
قال أبوه خلاص أنا اليوم تعبان إذا جاء بكره
ودتيك السوق وخذ له الهديه اللي تبيها
قال الولد لاابغى أشتريها اليوم
قال أبوه: خلاص قلتلك بكره يعني بكره أسمع الكلام ياولدي
راح الولد غرفته وهو زعلان من أبوه
وجلس يفكر في هدية المعلم وجاء الليل
وهو باقي يفكرخطرت على باله فكره
نفذها وأخذ الهديه وغلفها وحطها في كيس
ونام وهو مبسوط
قام الصباح من بدري وهو نشيط وفرحان
ولبس وأفطر وراح يصحي أبوه وقام أبوه
ولبس وراحو المدرسه أستغرب الاب
ان ولده فرحان ومبسوط ونشيط بالعاده
أنه أول مايدخل السياره ينام بس قال اكيد
عشان اليوم أخر يوم في المدرسة
وفرحان عشان العطلة
ودخلو الاب والولد المدرسه
طبعا الاب مدير المدرسة اللي فيها ولده
دخلو الطلاب فصولهم ودخل المعلم
اللي يحبه الطالب الفصل بعد ما سلم المعلم
على الطلاب وردو السلام قام الطالب بسرعه
واعطى المعلم الهديه ورجع مكانه وجلس
وهو مستحي من المعلم شكره المعلم واخذ الهديه
وحطها على الطاوله وجلس يلعب مع الطلاب
حتى صفر الجرس وخلصت الحصه
أخذ المعلم أغراضه وانتبه للهديه وأخذها وطلع
وهو ماشي لغرفة المعلمين قال بفتح الهديه وأشوفها
قام يفتح الهديه وهو مبتسم توقع أنها لعبة ولا شي تافه
ويضحك..
ولما فتحها وشاف الهديه فتح فمه من هول مارى
وش تتـــوقـــــــعـــــــون جاب الطالب هديه؟؟...... فكرووووو
جاب حــــــــــزاااااااااااام أمه الذهب..

لبس المدرس الحزام وهو ميت من الضحك وراح للمدير ودخل عليه وهو يضحك
وقاله: وش رايك حلووووو
بغى يهزأ المدير المدرس من أستهتارهـ
بس مسك المديرنفسه
قال المدير : وش ذا اللي أنت لابسه
قال المدرس : ماعرفت هذا الحزااااام
قال المدير : تصدق يشبه حزاااااااام زوجتي
قال المدرس: وإذا قلتلك أن هذا حزااام زوجتك صدق
قال المدير: وش جابه معك
قال المدرس : ولدك أهداني اياه والهدية لاتهدى ولاتباع
جلس المدير والمعلم يضحكون
واستدعى المدير ولده وسأله وأعترف الولد
أنه دخل غرفة أمه وأبوه ومالقى شي غالي
عند ابوه وراح وفتش في أغراض أمه
ولقى ذهب أمه وأخذ حزاااااااااام الذهب
وغلفه وأعطاه المدرس
ضرب الاب ولده بالعصى ضربتين محترمه وقاله رح لفصلك وشغلك معي بالبيت
والقصه حقيقيه حدثت في جنوب المملكة

آفداهم آنا آهل الكرم و الجوود ../ حتى صغارهم آجاويد

مودتي

هههههههههههههههه الله على البراءه ..
والله زعلان على ضرب الطفل .. بس حلو يتعلم .. عشان مره ثانيه ما يشيل شيء إلا بستأذان..

وهذا الحب يدل على شطارة المدرس ..

انا عندي اخوي عكس هذا الطفل ) ..
اسمه امير قعد ثلاث سنوات في الصف الثالث ..
خايف من استاذ في الصف الرابع اسمه الاستاذ (علي)
كان ينجح من الصف الثالث ويقول لا باقي ابغى الصف الثالث عشان اتقوى ..
ثلاث سنوات يعيد الصف الثالث حتى جا نقل للأستاذ إلى مدرسه ثانيه ،
ومع العلم ابوي يدرس في نفس المدرسه وسايب له الحريه..الله يحفظه ويوفقه..
والحمدالله الان اخوي في الصف السادس .. بعد ما ترك الاستاذ المدرسه ..

وهذا يدل على ان اسلوب المدرس مع الطفل له تأثير كبير على الطفل ومستواه الدراسي ..

بارك الله فيك اختي تاج على القصه الجميله .. ضحكت حتى ظهرت انيابي .. Laughing

شكراً لك .. ودمتي في حفظ الله....

» مجموعة قصص مضحكة ..
» مصطلحات مضحكة لكن صحيحة %100
» شوفوا حجم الثعبان
» تعالوا شوفوا وش جبت لكم اليووم..
» وحده سوت لزوجها مقلب شوفوا وش صاآآآر لها...